ـ
صاحب
الحمار : مالك يا حمار النوم فى عينيكالحمار : أبدا يا سيدى كنت نايم
وحلمت خير اللهم إجعله خير انك كنت فى مظاهرة كبيرة بالتحرير وبتقولى
إبعد يا حمار دى ثورةصاحب الحمار : ثورة تانى نحن عملنا ثورة فى 25 يناير إنت متعرفش
الحمار : عارف يا سيدى بس مفيش حاجة إتحققت
صاحب الحمار : تانى اللى نقوله نعيده عملنا برلمان وشلنا الريس وعملنا اعلان دستورى وهنعمل دستور وهننتخب ريس
الحمار : بس يا سيدى الاعلان الدستورى طلع خذوك شربته الاخوان
والبرلمان فى حكم بحله والدستور هتعمله الاخوان والريس اللى جاى مش عارف
اختصاصاته زى البرلمان
صاحب الحمار :إنت مش فاهم حاجة البرلمان اللى بتتكلم عليه ده قررر يسحب
الثقة من حكومة الجنزورى البرلمان ده اللى مش عاجبك كل ما تحصل حاجه فى
البلد يشكل لجان تقصى حقائق البرلمان اللى مش عاجبك ده شوف فصل كام عضوا
وطرد كام عضوا من البرلمان
الحمار : بس يا سيدى الجنزورى قال البرلمان ده أنا مش شغال عنده ومش
همشى ويضربوا راسهم فى الحيط والبنزين والسولار اللى لقيوه (مدلوق فى
الحفر فى الجبل ) الراجل قال نحن مالنا واحد إشترى بنزين ودلقوا هو حر
صاحب الحمار : وإيه تانى فى ليلتك دى
الحمار : بس يا سيدى القضاء أعلنها عينى عينك مفيش تفريط فى عبد المعز
اللى هرب الامريكان وداس على كرامة القضاء وصوتوا لصاحه فى الجمعية
العمومية
صاحب الحمار : وإيه تانى
الحمار : وعاكف المرشد السابق للإخوان قال على المتظاهرين دول قلة مش
هنعبرهم ومخربين وقال ان شهر العسل مع المجلس العسكرى منتهاش واللى مش
عاجبه يضرب رأسة فى الحيط وقال كمان نحن الثورة ونحن الاغلبية واللى
عايزينه هنعملوا والراجل قال الموضوع أكبر من الحكومة ومننا ومن المجلس
العسكرى واللى بيحصل فى مصر رغم أنفنا جميعا والراجل قال اللهوا الخفى
شغال فى مصر على ودنه
صاحب الحمار : وإيه تانى
الحمار : بس يا سيدى والمسئول المالى فى المجلس العسكرى قال محدش يقدر
يقرب على فلوس الجيش ولا مصانعها ولا مزارعها دى فلوسنا جبناها من تطهير
الالغام ومن شغلنا بره ولو الحكومة مسكتها هتخربها
صاحب الحمار : وايه تانى يا حمار
الحمار : وبور سعيد رفعت علم الاستقلال والنوبة وسينا فى الطريق ويمكن الصعيد كمان
والخليج والامريكان بتحكوا فى البلد وبقدرة قادر جهاز المخابرات والامن
العام مش عارف يجيب اللهوا الخفى والطرف الثالث وبع ما كنا نسمع رأفت
الهجان وإعدام ميت دلوقتى بنسمع لطم الحريم وتنبلة الرجاله
صاحب الحمار : وبعدين عايز إيه
الحمار : أبدا يا سيدى أنا قلت طالما أنه كله سيد قراره وبيعمل اللى هو
عايزه والبلد رايحه مش جايه يبقى هتعملوا ثورة تانى والكل يدخل الخلاط
ويضرب علشان تطلع مصر واحده مش أربع ولايات .. من الزعل نمت يا سيدى وحلمت
أنكم قمتم بثورة تانى ومسكتوا باقى الحرامية والمخربين والمنتفعين وأصحاب
المصالح واللى عايزين يقسموا البلد وحطتوهم فى مكان واحد بدل ما يخربوا
البلد يمكن فى السكة تصادفوا اللهوا الخفى اللى مغلبكم وتقبضوا عليه
وتريحوا نفسكم من شره
صاحب الحمار : شكل مخك ضرب يا حمار
الحمار : معلهش يا سيدى متخدش علي أحلام الحميييييير
